Деко: Не можеме да си дозволиме да купуваме како Манчестер Сити

Спортскиот директор на Барселона, Деко, го коментираше претставувањето на тимот и иднината на тренерот Ханзи Флик и Роберт Левандовски, кои се врзани со клубот до 2026 година.

“Освоивме еден трофеј, играме добро и впечатоците се добри. Ова е најважното. И ние сме задоволни од работата што ја врши секој ден. Сигурно ќе дојде време, кога ќе зборуваме за обновување. Но, сега ни за него, ни за нас, тоа не е приоритет.”, рече Деко, кој е и поранешен фудбалер на Барселона.

“Тука многу брзо се случуваат работите, вистина е. За неколку минути преминуваме од еуфорија до очај. Кога работите одат добро, ги обновуваме договорите, тоа се случи со многу тренери. Тоа е природниот тек на проект кој функционира”, додаде директорот.

Деко го коментираше и јануарскиот трансфер период: “Нас помалку нè интересираат евентуалните засилувања, отколку порано. Манчестер Сити потроши над 200 милиони евра во јануари. Ние не можеме да си дозволиме такво нешто во моментов, но и немаме потреба да привлечеме 3-4 играчи. Имавме потреба да потпишеме договори со некои играчи и го направивме тоа. Привлековме играчи пред три години, а младите се развиваат.”