Де Брујне може да го напушти Сити: Не ме интересира новиот договор

Ѕвездата на Манчестер Сити, Кевин де Брујне, би можел да го напушти клубот по завршување на сезоната.

Де Брујне влезе во последната година од договорот, а се уште не ставил потпис на нов договор и вели дека не мисли на тоа.

„Во моментов тоа не ме интересира. Сега се обидувам да се вратам во најдобрата форма. Ми се чини дека се подобрувам со секоја измината недела. Во однос на мојата физичка кондиција, се чувствувам подобро и сега трчам цели 90 минути. Последните неколку месеци беа прилично непријатни поради повредата што ја имав, но сега се чувствувам подобро, играм подобро и тоа е единственото нешто што ме интересира“, изјави Де Брујне.

Де Брујне не исклучува трансфер во Саудиска Арабија од каде има многу богати понуди.