Далас Меверикс го добија правото на првиот пик на наредниот драфт, чијашто прва рунда е во ноќта помеѓу 25-ти и 26-ти јуни, на вчерашната (понеделник кон вторник) лотарија, првпат во историјата на франшизата.
Тоа би значело дека 206 сантиметри високата ѕвезда на Универзитетот Дуке Купер Флег најверојатно ќе биде во тексашкиот тим, иако никогаш не се знае со организацијата која го замени Лука Дончиќ со Ентони Дејвис во тековната сезона.
Учиме по најтешкиот пат: Со едукација за заштита и спасување до спречување на трагедии! ↓↓↓
„Не размислував премногу за тоа. Тоа е надвор од моја контрола“, се првите импресии на перспективниот крилен играч за ESPN.
Флег, секако, е во центарот на вниманието, бидејќи тој 17-годишник оваа сезона бележеше 19,2 поени, 7,5 скока и 4,2 асистенции, со успешност од 48,1 процент од игра, 38,5 за три и 84 проценти слободни фрлања – па беше именуван за играч на годината според AP.
Учество во игри на среќа е дозволено за лица со 18+ години. Играј одговорно!