Играчот на Јувентус, Даглас Луиз (27), се очекува во наредните денови да го финализира својот трансфер во Нотингем Форест, пренесуваат италијанските медиуми. Бразилецот пристигна во „Старата дама“ пред една година од Астон Вила, за трансфер вреден 51 милион евра. Во Вила помина пет сезони, постигнувајќи 22 голови и 24 асистенции. Јувентус имаше големи очекувања од Бразилецот, но на крајот, тој се покажа како еден од најголемите разочарувања за тимот од Торино.
Ниту кај Тијаго Мота ниту кај Игор Тудор не успеа да стане редовен првотимец. Иако договорот му важи до јуни 2029 година, во Јуве решија дека е најдобро да го продадат додека сè уште може да се добие значајна сума за неговиот трансфер. Иако управата на „Старата дама“ се надеваше на износ од 40 милиони евра, изгледа дека ќе се задоволат со понудата од 30 милиони, како што пренесуваат италијанските медиуми.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Даглас Луиз треба да потпише петгодишен договор со Форест, а исто така ќе има и поголема плата отколку во италијанскиот клуб.
Учество во игри на среќа е дозволено за лица со 18+ години. Играј одговорно!