Човекот кој „забоде нож во срцето“ на Реал Мадрид, сега се враќа како тренер?

Алваро Арбелоа нема да остане тренер на Реал Мадрид. Претседателот на клубот, Флорентино Перез, интензивно бара нов шеф на стручниот штаб во шпанскиот гигант, а еден од кандидатите е и легендарниот Луис Енрике.

Реал Мадрид е во потрага по човек што ќе ја води екипата во наредната сезона. Се очекува Алваро Арбелоа да остане на клупата до крајот на оваа сезона, но и тоа е под голем прашалник.

Сепак, многу прашалници има околу името на новиот тренер. Со кралскиот клуб се поврзуваат многу имиња, а најчесто германскиот стручњак Јирген Клоп.

Секако, Германецот не е единствениот кандидат. Се спомнуваат уште Унај Емери, Сеск Фабрегас, а сега и легендарниот Луис Енрике.

Одредени медиуми објавија дека Реал Мадрид е отворен за разговори со 55-годишниот кој меѓутоа меѓу навивачите е означен како предавник уште пред 30 години.

Тогаш како фудбалер, Луис Енрике го напушти Реал и премина во најголемиот ривал Барселона.