Челзи го направи најскапиот трансфер во историјата на женскиот фудбал

Американката Наоми Гирма и официјално стана најскапата фудбалерка во историјата на женскиот фудбал.

Англиските медиуми потврдија дека Челси поставил нов светски трансфер рекорд со ангажирањето на Неоми Гирма од редовите на Сан Диего, трансфер за кој ќе бидат исплатени 900.000 фунти.

Младата Американка важи за една од најдобрите светски дефанзивки.

„Наоми е дефанзивец од светска класа, кој сега влегува во најдобрите години од нејзината кариера“, изјави тренерот Пол Грин.

Гирма забележа 44 настапи за репрезентацијата на САД и постигна два гола. Таа го предводеше американскиот тим до олимпиското злато во Париз минатата година.