Челси загуби еден од најскапите фудбалерите во историјата до крајот на сезоната

Одбранбениот играч на Челси, Весли Фофана, веројатно ќе го пропушти остатокот од сезоната поради повреда на тетивата, изјави тренерот Енцо Мареска во петокот. Фофана помина низ тежок период поради повреди кога ја пропушти целата сезона 2023/24. поради операција на предниот крстен лигамент во предсезоната, но новата сезона ја започна силно и беше темел на одбраната на Мареска.

Овој 24-годишен играч започна секој натпревар на Челси пред да се повреди против Астон Вила минатиот месец. „

За жал, Весли ќе отсуствува долго време”, изјави Мареска пред новинарите пред саботниот меч против Кристал Палас.

Челси беше на второ место во почетокот на декември, давајќи им надеж на своите навивачи дека ќе се борат за титулата, но по еден месец се на четвртото место, 10 бодови зад лидерот Ливерпул, кој има и еден натпревар помалку.

Фофана пристигна во Челси од Лестер Сити во летото 2022 година во трансфер вреден 80,4 милиони евра. Со „Сините“ потпиша договор на седум години, а неговиот трансфер е четвртиот најскап во историјата на клубот. Повеќе од него платиле само за Енцо Фернандес (121 милион), Мојсес Каседо (116) и Ромелу Лукаку (113).