Тренерот на Реал Мадрид, Чаби Алонсо, денеска му одговори на претседателот на Барселона, Жоан Лапорта, по вчерашните остри коментари насочени кон “кралскиот клуб”.
За потсетување, Лапорта изјави дека во Реал боледуваат од “барселонитис”, бидејќи, како што вели, тоа е уште еден обид да се создаде нешто од ништо.
Од лозје до чаша: Уметноста на виното со Теодор Бојаџиев | Уште еден поткаст
Дополнително, тој спомена дека судиите во Шпанија традиционално повеќе го наклонуваат Реал Мадрид, потсетувајќи на недосуден фаул на Винисиус Жуниор врз голманот на Елче, при што, според Лапортините зборови, “умалку му го скрши носот”.
Денеска Алонсо нагласи дека станува збор за популистички изјави насочени главно кон навивачите на Барселона.
“Ние сме насочени кон нашата игра, а најважно е да победиме на теренот, на заслужен и спортски начин”, дипломатски одговори Алонсо.
За потсетување, Реал со 32 бода ги предводи табелата по 13 одиграни кола, додека Барса е втора со 31 бод.
Учество во игри на среќа е дозволено за лица со 18+ години. Играј одговорно!