Дмитро Хориха и во втората сезона по ред се наметнува како еден од клучните ракометари во редовите на Вардар. Украинскиот бек, кој неодамна се стекна и со македонско државјанство, влегува во завршната фаза од договорот со актуелниот лидер во Суперлигата, а иднината му е сè уште неизвесна.
Раководството на „црвено-црните“ уште пред еден месец седна на преговарачка маса со 28-годишниот ракометар и во еден период се чинеше дека продолжувањето на соработката е речиси договорено. Сепак, ситуацијата се промени откако во трката за неговиот потпис се вклучија неколку звучни европски клубови.
Исхрана, повреди и тренинг – совети од доктор по спортска медицина | Уште еден поткаст
Германскиот специјализиран портал „Rthandballgermany“ објави дека Хориха е на радарот на Фуксе Берлин и дека бундеслигашот веќе испратил понуда за едногодишен договор, на која се очекува одговор од страна на играчот.
Учество во игри на среќа е дозволено за лица со 18+ години. Играј одговорно!