Бразилски новинар за Нејмар: Пуши наргиле, пие виски и си легнува во пет часот наутро!

Бразилската фудбалска ѕвезда Нејмар најверојатно ќе остане надвор од игра барем до крајот на 2025 година.

Оваа информација ја објави новинарот Родолфо Гомес, кој нагласи дека времето потребно за негово закрепнување нема да биде доволно за да се врати на теренот пред крајот на годината.

Покрај здравствените предизвици, Гомес изрази загриженост и за личните навики кои, според него, Нејмар ги следи надвор од теренот. Гомес тврди дека фудбалерот води начин на живот кој е сосема непрепорачлив за професионален спортист.

🚨 Neymar НЕ игра повеќе во 2025.

Според информациите од Родолфо Гомес, напаѓачот на Сантос нема да има време за закрепнување за да се врати на игра оваа година.

Изворот додава:

“Зависен е од виски со енергетски пијалаци, пуши наргиле и легнува во 4-5 часот наутро…”

🎥 @Rodox_Gomes pic.twitter.com/htoEo8Kut3

— Pérolas da Imprensa Esportiva (@esporteperolas) September 25, 2025

“Тој е зависен од виски со енергетски пијалаци, пуши наргиле и заспива дури наутро, околу 4 или 5 часот”, изјави новинарот.

Фановите на Сантос беа разочарани од веста, очекувајќи дека Нејмар ќе се врати за завршницата на бразилскиот шампионат. Фудбалскиот ас се приклучи на клубот во средината на 2025 година како едно од најголемите засилувања некогаш, но се појави на теренот само во неколку натпревари пред да се повреди повторно.