Бивш фудбалер на Ливерпул: Дајте му сè што сака на Салах, ве молам

Сагата околу Мохамед Салах и новиот договор со Ливерпул трае веќе неколку месеци, а сега и Роби Фаулер, некогашен играч на „Црвените“, го даде своето мислење за целата ситуација.

Остануваат уште нешто помалку од два месеци до крајот на сезоната, а два важни играчи на Ливерпул немаат нови договори. Се мисли, секако, на Мохамед Салах и Вирџил Ван Дајк.

Долго се преговара, долго се дискутира што ќе се случи на крајот, а Фаулер е сигурен во едно:

„Би му дал на Салах сè што сака врз основа на тоа што го покажа. Да се потпише некој друг играч, ќе биде потребно многу пари. Зошто да не му ги дадете сите тие пари на некој што веќе го има покажано сè, како што Салах го направи? Ве молам, дајте му што сака и тоа е тоа“.