Барса вечерва ја напаѓа титулата, а еден од адутите неочекувано заврши на операционата маса

Фудбалерите на Барселона вечерва во 21:30 часот гостуваат на Еспањол во 36-тото коло на шпанската Ла Лига и имаат можност со победа да ја освојат титулата две кола пред крајот.

Титулата и комплетирањето на домашниот “триплет” не се доведуваат во прашање, но сите во Барса сакаат тоа да се случи токму на теренот на градскиот ривал, откако минатата недела во директниот дуел за шампионската титула го совладаа нивниот најголем ривал, Реал Мадрид.

Тренерот на Барселона, Ханси Флик, пред дуелот со Еспањол неочекувано остана без важен адут.

Напаѓачот Феран Торрес, кој оваа пролет игра во одлична форма, доби силно воспаление на слепото црево и решено е дека мора да оди на итна операција, која вчера помина без проблеми.

Сега мора да паузира и веројатно ја заврши клупската сезона.

Останува да видиме дали ќе биде подготвен да помогне на шпанската репрезентација на завршниот турнир на Лига на нации во Германија.

Затоа, вечерва е извесно дека на стартната позиција се враќа опоравениот Роберт Левандовски, кој Ферран Торес перфектно го заменуваше на позицијата „деветка“ во последните недели.