Баерн може и да го задржи Коман уште една година

Тренерот на Баерн Минхен, Венсан Компани, е спремен да се потпре на Кингсли Коман, особено по трансферот на Лерој Сане во турскиот Галатасарај, тврдат „Билд. Заминувањето на Сане е причината зошто гигантот од Минхен ја смени својата позиција и одлучи да не се раздели со Коман ова лето.

Францускиот фудбалер долго време се поврзуваше со заминување од „Алијанц Арена“, сметаше дека клубот ќе се потпре на неговата продажба за пристојна сума и со тоа да го ослободи буџетот од сериозната плата на играчот од речиси 18 милиони евра бруто. Коман беше предмет на интерес и од англиски екипи, како и од саудиски тимови.

Во овој момент, сепак, Компани инсистира Кингсли Коман да остане во тимот барем уште една година. Самиот фудбалер исто така се чувствува удобно во Минхен и само многу атрактивна понуда би го натерала да замине. Во Баерн ќе го следат и настапот на Французинот на Светското клупско првенство. Договорот на францускиот репрезентативец со германскиот клуб е до 2027 година.

Коман започна многу силно, постигна два гола и направи асистенција при големата победа на Баерн со 10:0 против Оукланд Сити во првиот натпревар од турнирот. Се очекува дека тој ќе започне како стартер во вториот натпревар на тимот, во кој Баерн ќе се соочи со аргентинскиот Бока Хуниорс на 21 јуни.