Баерн доби големо засилување: Упамекано потполно се опорави

Фудбалерот на Баерн Дајо Упамекано се опорави од повредата на коленото на левата нога и го одржа својот прв тренинг по скоро три недели пауза.

Французинот се повреди на 23-ти март играјќи за репрезентацијата против Хрватска, но започна со тренинг многу порано отколку што се прогнозираше првично.

Како што е соопштено на сајтот на Баерн, Упамекано (26) започна со индивидуални тренинзи, но не е прецизирано дали ќе биде подготвен до следната среда за реванш натпреварот во Милано против Интер во четвртфиналето на Лигата на шампионите.

Баерн во вторникот без повредените Упамекано, Алфонсо Дејвис, Мануел Нојер, Џамал Мусиала, Александар Павловиќ, Хироки Ито и Кингсли Коман загуби на домашен терен од Интер со резултат 1:2.