Атлетико Мадрид и Аталанта го објавија трансферот на Луукман

Атлетико Мадрид и Аталанта ја завршија зделката според која Адемола Луукман преминува од италијанскиот во шпанскиот клуб.

Уште во недела навечер напаѓачот пристигна во Мадрид, а во понеделник ги помина медицинските тестови. Потоа, 28-годишниот нигериец го потпиша својот договор, кој важи до летото 2030 година.

Според Фабрицио Романо, „рохибланкос“ ќе платат 35 милиони евра, а уште 5 милиони се предвидени како клаузули.

Луукман се приклучи на Аталанта во летото 2022 година. За времето поминато во клубот, тој одигра 137 натпревари во сите турнири, во кои постигна 55 голови и направи 27 асистенции.

Во 2024 година, нигериецот ја освои Лига Европа со тимот од Бергамо и беше избран за најдобар африкански фудбалер, а покрај тоа, се пласира на 14-то место во класификацијата за „Златната топка“.