Атлетико и Интер спремаат трампа

Атлетико Мадрид покажува силен интерес за играчот од средниот ред на Интер, Давиде Фратези, соопштува Џанлука Ди Марцио.

Според трансферниот експерт, „нероазурите“ од своја страна се обиделе да го вклучат најмалиот син на тренерот на „јорганџиите“, Диего Симеоне – 22-годишното крило Џулиано, но добиле категорично одбивање. Сè уште не е јасно дали во оваа ситуација миланскиот гигант ќе биде подготвен да го продаде италијанскиот репрезентативец.

Во минатата сезона, Фратези беше во улога на резерва во составот на Симоне Индзаги, поради што не беше во добри односи со поранешниот тренер на Интер.

Со пристигнувањето на новиот тренер Кристиан Киву, ситуацијата со 25-годишниот играч од средниот ред може да се промени. Од друга страна, Атлетико веќе го обезбеди привлекувањето на друг италијанец од Серија “А”. Станува збор за 22-годишниот лев бек Матео Руджери, кој ќе биде купен од составот на Аталанта за 20 милиони евра.