Арсенал потврди уште полоша вест за повредата на Сака

Менаџерот на Арсенал, Микел Артета, соопшти дека вестите се многу лоши, Букајо Сака мораше да оди на операција и го очекува уште подолга пауза.

Како што е познато, Сака минатиот викенд доживеа тешка повреда на мускулот и, иако првично се предвидуваше дека нема да мора на операција, ситуацијата сепак е поинаква. Сака беше успешно опериран, а Артета потврди дека го очекува уште подолга пауза. 

„За жал, Сака мораше на операција, се одвиваше добро. Но, за жал, ќе биде отсутен доста подолго. Мислам дека ќе паузира повеќе од два месеци, но засега не знаеме точно колку. Многу ќе зависи од брзината на опоравување, тешко е да се каже, но знаеме дека нема да биде присутен долго време“, рече Артета. 

Останува да видиме како ќе се снајде Арсенал без својот најдобар офанзивец, Габриел Мартинели, Габриел Жезус и Леандро Тросар ќе имаат многу тежок задаток.