Анчелоти уште вечерва може да добие отказ!

Тренерот на Реал Мадрид Карло Анчелоти вечерва ќе добие отказ доколку неговиот тим не оствари позитивен резултат во дербито на 32-рото коло од Ла Лига против Атлетик Билбао, пренесува шпанскиот портал Релево.

Како што тврди Релево, позицијата на Анчелоти како тренер е сериозно загрозена уште од испаѓањето од Арсенал во четврт-финалето на Лигата на шампионите, а евентуалниот неуспех вечерва би значел и раскинување на соработката со кралскиот клуб.

Реал вечерва во 21 часот на стадионот “Сантијаго Бернабеу” (21:00) ќе го пречека Атлетик Билбао и мора да победи за да остане во трката за титулата шампион на Шпанија.

Со една натпревар помалку, Реал има седум бодови помалку од водечката Барселона, па јасно е дека неуспехот вечерва практично ќе значи дека титулата ќе им припадне на каталонците.

Поради тоа, Реал доколку киксне вечерва, Анчелоти би бил разрешен, а клубот би именувал привремен тренер до крајот на сезоната, по што Флорентино Перез би се обидел да го доведе Чаби Алонсо.