Карло Анчелоти, еден од најтрофејните тренери во историјата, кој го води Реал, повторно преговара со Бразилската фудбалска федерација околу преземање на таа репрезентација. Ова го објави бразилскиот медиумски гигант Глобо и додаде: „Анчелоти побара да не се дискутира за поконкретни работи во преговорите пред завршување на клупското СП, кое завршува средината на јули“.
Анчелоти е стара желба на Бразил, уште по СП 2022, кога првиот фаворит заврши прерано, испаѓајќи од Хрватска на пенали во четвртфиналето. Од тогаш безуспешно се обидува да донесе големо тренерско име, а репрезентацијата цело тоа време има лоши игри и резултати, што се гледа и во актуелните квалификации за СП. Бразилската федерација веќе преговараше со Анчелоти, но тој остана во Реал. Ова му е втор ангажман во тој клуб и почна во летото 2021. Првиот траеше од 2013 до 2015.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Анчелоти со Реал освои по две шпански првенства и купови, како и три Лиги на шампиони. Договорот му важи до летото следната година.
Учество во игри на среќа е дозволено за лица со 18+ години. Играј одговорно!