Аморим носи играч од Спортинг во Јунајтед

На Манчестер јунајтед му е потребна реорганизација на многу нивоа, вклучувајќи го и тимот. Рубен Аморим сака да го вклучи својот поранешен играч на Спортинг во неговиот тим.

Манчестер јунајтед го насочил погледот кон Џовани Кванда, крилниот напаѓач на португалскиот тим како засилување кое го посакуваат во летниот трансфер период. Добра работа е што Рубен Аморим веќе ги знае квалитетите на младиот крилен напаѓач.

Кванда оваа сезона игра одлично во дресот на Спортинг. Покажа и во големите натпревари дека може да направи разлика, а тоа е токму она што му е потребно на Јунајтед на дневна основа.

Кванда не е ново име на листата на играчи кои Јунајтед сака да ги донесе. Веќе е некое време таму, а сега спортскиот сектор доби „зелено светло“ и од тренерот на тимот да сериозно размислуваат за напаѓачот на Спортинг.

Проценетата вредност на Кванда е 30 милиони евра, а има само 17 години. Оваа сезона има еден гол и седум асистенции во сите натпреварувања.