Aлонсо постигнал вербален договор со еден гигант од Премиер лигата

Шпанскиот стратег Чаби Алонсо и Ливерпул наводно постигнале усмен договор, известува мадридскиот “OK Diario”.

Иако не се работи за најдоверлив извор, има логика во ваквата информација. Арне Слот беше под значителен притисок на клупата од Ливерпул во ноември и декември, а кога стана јасно дека Чаби Алонсо е слободен по неговото заминување од Реал, беше прилично јасно дека постои можност за негово враќање на “Енфилд”.

Иако ситуацијата беше смирена бидејќи Холанѓанецот успеа да постигне неколку позитивни резултати, тие сè уште не ги задоволуваат амбициите на клубот во Премиер лигата каде што се на шесто место. Во ФА купот се пробија до четвртфиналето, а директно се пласираа во осминафиналето на Лигата на шампионите, играјќи двомеч против Галатасарај.

Токму Лигата на шампионите ќе ја одреди судбината на Арне Слот. Во разговорите со Чаби Алонсо, од Ливерпул го замолија да почека до крајот на сезоната за да се евалуира целокупната изведба. Конкретно, опстанокот на клупата за Слот зависи од освојувањето на Лигата на шампионите. Во спротивно, Алонсо ќе потпише тригодишен договор со клубот.