Аларм за гигантите: Ова можеби е доказ дека еден од најдобрите голгетери во Англија ќе го промени клубот

Оли Воткинс, напаѓачот на Астон Вила, се наоѓа на важен момент во неговата кариера.

Изгледа дека ова лето е последната можност за голем трансфер и напредок од Астон Вила, не само поради неговите години, туку и поради фактот што многу клубови се во потрага по искусни “деветки”, додека Воткинс го чека исходот.

Арсенал го доведе Виктор Ѓокереш, Челси ги ангажираше Лијам Делап и Жоа Педро, Ливерпул го потпиша Уго Екитике и сега се насочи кон Александар Иск, од кого најмногу зависи евентуалниот трансфер на Оли Воткинс.

Општо е познато дека Иск е веќе емоционално во Ливерпул, а во таков случај, Њукасл гледа кон Шешко, што може да доведе Манчестер Јунајтед да ја разгледа можноста за – Воткинс.

Англичанецот би сакал да се пресели во Јунајтед, и наводно, Астон Вила е подготвена да ја намали цената на околу 60 милиони евра. Воткинс е проверен напаѓач со 184 натпревари, 75 голови и 36 асистенции во Премиер лигата, иако мала пречка е тоа што во декември ќе наполни 30 години.

Рубен Аморим наводно ја дал својата поддршка за Воткинс, кој со своето големо искуство во Премиер лигата би бил одлично засилување. 

Интересно е што во медиумите се појавија информации дека Астон Вила веќе подготвува замена во ликот на Луис Опенда од РБ Лајпциг. Опенда е пет години помлад, со искуство од Бундеслигата, но останува да се види дали целосно може да го замени ефикасниот Воткинс.