Агуеро влегува во нов спорт – ќе вози „машина“ побрза и од болид во Формула 1!

Легендарниот аргентински фудбалер Серхио Агуеро ја заврши кариерата пред нешто повеќе од три години, а сега е подготвен за нов предизвик во сосема различен спорт.

Аргентинецот, кој сега има 36 години, ќе се насочи кон авто-мото спортот и ќе се натпреварува во Формула Е, која организира настани под називот “Ево Сешнс”.

Настанот е прв во авто-мото спортот кој ќе ги обедини 11 ѕвезди од светот на спортот, технологијата и забавата, нудејќи им можност да застанат зад најбрзиот електричен автомобил во светот, GEN3 Evo.

Sergio Aguero and Brooklyn Peltz Beckham to race in celebrity Formula E event

Full story > https://t.co/aHijb6G8HI
#Агуеро #Бекам #ФормулаЕhttps://t.co/aHijb6G8HI

— Motorsport Week (@MotorsportWeek) January 30, 2025

Агуеро ќе биде најголемата ѕвезда од сите учесници, а засега е познато и дека ќе се натпреварува Бруклин Бекам, синот на Дејвид Бекам.

Тие сите ќе поминат шестнеделен тренинг камп пред натпреварувањето на патеката во Мајами на 5 и 6 март, а ќе управуваат со автомобил кој од 0 до 100 км/ч достигнува за 1,82 секунди, што е 30 проценти побрзо од болидите на Формула 1.

Кампот кој ќе го поминат ги вклучува сесии на симулатор, физичка подготовка, обука за возачи, прилагодување на хардвер и инженерски брифинзи, овозможувајќи им да ги искусат предизвиците со кои се соочуваат возачите на авто-мото спортот.

По завршувањето на настанот, подоцна оваа година ќе биде објавен документарен филм.