Новак Ѓоковиќ ќе ја започне новата сезона со учество во Бризбејн (30 декември – 6 јануари), а за српскиот ас зборуваше неговиот поранешен тренер Андре Агаси.
Легендарниот Американец смета дека на Ноле малку ќе му се истроши енергијата, главно затоа што пензионирале тенисерите со кои водел најголеми битки – Роџер Федерер, Рафаел Надал и Енди Мареј, со тоа што на Британецот од неодамна му е тренер.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Не може да биде лесно, особено кога луѓето со кои сте започнале „танцот“ си заминале. Кога Пит (Сампрас) се пензионираше, тоа беше удар за мене. Тоа ме врати малку назад. И Ѓокоовиќ ги загуби ривалите со кои влезе во историјата. Така што најверојатно емоционално брзо ќе биде сè потешко и потешко, но никогаш не би се обложил против него. Обложувањето против него е на ваша сопствена одговорност. Тој веќе направи толку многу во светот на тенисот“, кажа Агаси.
Да потсетиме, Новак Ѓоковиќ по Бризбејн ќе настапи на Австралија опен (12 – 26 јануари) и ќе се обиде 11-ти пат да го подигне трофејот во Мелбурн.
Учество во игри на среќа е дозволено за лица со 18+ години. Играј одговорно!