Африканска инвестиција за Барселона

Барселона добива значителна парична поткрепа од неочекуван извор – Демократската Република Конго.

Претседателот на славната каталонска велесила, Лапорта, постојано истражува иновативни методи за да го одржи клубот во сјајна форма, додека се справува со финансиски долгови и скапи реконструкциски процеси на „Ноу Камп“.

Според информациите на реномираната агенција Ројтерс, властите од Конго ќе вложат дури 40 милиони евра во рекламна кампања која ќе биде видлива на спортската опрема на машката и женската екипа на Барселона во следните четири сезони – освен на официјалните дресови.

Слоганот кој ја истакнува туристичката убавина на оваа африканска земја ќе биде прикажан на тренерки, маици за загревање и друга опрема што се користи надвор од формалните натпревари. Гледачите ќе можат да ја следат рекламата за време на тренинзите и загревањата, што ќе овозможи пораката да стигне до глобалната публика.

Конго+ Spotify+Nike= 200 милиони евра

Барселона не е единствениот европски клуб што се здоби со таква соработка со Киншаса – претходно Монако и Милан потпишаа слични, но помалку профитабилни договори.

Овој износ се вклучува како дополнителен приход на веќе стабилните спонзорски договори што Барселона ги има – соработката со „Nike“ е продолжена до 2038 година и му носи на клубот минимум 120 милиони евра годишно, додека „Spotify“ плаќа 70 милиони евра за видливост на првиот тим. Само овие два спонзора му носат на клубот речиси 190 милиони евра годишно.

Кога ќе се додаде и конголската подршка, бројката се заокружува на импресивни 200 милиони евра – а тоа сè уште не е конечниот износ кога се вклучат приходите од продажба на дресови, клубски сувенири, билети, ТВ права, како и бонуси и премии од натпревари.