Aнализа на дербито во Премиер лигата: Челзи – Манчестер Сити!

Челзи – Манчестер Сити е дербито на 31-то коло во англиската Премиер Лига. Натпреварот е на програмата во четврток и привлекува огромно внимание. Сити е импресивен по паузата, но одличен меч одигра и младиот тим на Лампарт.

Лампарт со големи кредити и одврзани раце од Абрамович

Во ерата на Абрамович во Челси секогаш има нешто интересно. Под негово водство, Челзи имал вртоглави воздигнувања и големи падови што ги чинеа менаџерите нивните работни места кои секако беа под голем притисок. Искушението да се мисли дека парите на Челзи секогаш биле привлечни за ѕвездите е оправдано во целост и тоа на сметка на младите таленти во тимот кој никако не добиваа шанса за напредок. Но сега, сезонава се случува нешто друго во тимот, а Лампарт доби големи кредити за својот план, да игра со млади фудбалери од сопствената школа и да развива таленти.

Тој акцент за развој на младите никогаш не бил посилен, а со клупската легенда на кормилото и импресивниот Морис заедно со него, постои ретка подготвеност да се обезбеди директна патека од младинската екипа до првиот тим. Кристијан Пулишиќ е се подобар во својата прва сезона откако се дојде од Борусија Дортмунд (го постигна израмнувачкиот гол во неодамнешната победа над Астон Вила), а наскоро нему ќе му се придружи и бундеслигашката ѕвезда Тимо Вернер. Со суперsвездата на Баер Леверкузен Каи Хаврц кој силно е поврзуван со трансфер на „Стемфорд Бриџ“, јасно е дека Челси ја гледа Бундеслигата како одлично место за пазарење, но за разлика од некогаш, сега за пазарење на млади фудбалери гледајќи долгорочно.

Одбраната е единствениот проблем за Лампард

Овој акцент на развојот на младите доаѓа на моменти и со фрустрации, а Лампард честопати се жалеше на неуспехот на неговиот тим да биде немилосрден и клинички точен, како и мек во одбраната. Во победата во неделата на Вила Парк, Челси беше супериорен но поради слабата завршница победија само со 1:2.

Сепак, со примени 40 гола, Челси го има најлошиот дефанзивен рекорд меѓу првите шест екипи, а тие имаат примено само еден гол помалку од тимот на Арсенал за кој често се зборува дека е очаен. Ја имаат зачувано само на два пати својата мрежа во последните 11 натпревари во Премиер Лигата, а Баерн Минхен брутално искористи сите недостатоци во Лигата на шампионите, убедливо победувајќи со 0:3 на „Стемфорд Бриџ“.

Жоргињо би можел да се врати во средниот ред по одлежувањето на суспензијата, Фикајо Томори е надвор од тимот поради повреда, но Калум Хадсон-Одои може да игра откако се опорави во целост.

Сити импресивен, но предоцна

Манчестер Сити донесе импресивен фудбал по паузата, откако го уништија Барнли со 5:0. И не само резултатот, туку и играта – па веројатно Барнли може да биде и задоволен со тој пораз. Сити беше импресивен во секој поглед со 72% посед на топка, а фудбалерите на Барнли само еднаш шутнаа кон голот на Сити и тоа надвор од рамките на голот. Ако на ова го додадеме и првиот меч на Сити по паузата, односно победата над Арсенал со 3:0 во одлична игра, тогаш јасно е дека долгата пауза делувала на фудбалерите на Сити како шок терапија, но во позитивна смисла.

Сепак, нивната примарна цел е веќе недостапна. Титулата е загубена па сега Пеп фокусот го стави целосно на спремање за завршницата од Лигата на Шампионите каде ќе атакува на титулата.

Ова патување на „Стемфорд Бриџ“ нуди шанса за Сити да покаже дека поразите кај Ливерпул, Вулвс, Тотенхем и Манчестер Јунајтед се нешта од минатото.

Серхио Агуеро е надвор од тимот поради повреда на коленото, додека младиот дефанзивец Ерик Гарсија е исто така недостапен за овој меч. Кевин Де Брујн, Рахем Стерлинг, Ајмерик Лапорт и Кајл Вокер би можеле да се вратат во почетниот состав за ова дерби.

Анализира: Јовица Симоноски