Каде македонски клуб потпишува договор со нов фудбалер? – Во кафуле! (фото)

Денес во македонскиот фудбал беше официјализиран трансферот на Стефан Вујчиќ од Шкупи во Беласица.

Фудбалерот Вујчиќ веќе подолго време настапува во клубовите во Македонија има 32 години, но веројатно и не е така познат на пошироката фудбалска јавност во земјава, па неговиот потпис и не е причина за правењето на оваа вест.

Она што нам ни падна во очи е местото каде што Вујучиќ го потпиша договорот со Беласица.

Очекувањата се вакво нешто да се прави во клупските простории и канцеларии, но Беласица според поставена фотографија може да се види дека договорот со Вујучиќ го потпиша во – кафуле!

Иначе, Вујчиќ покрај Шкупи во Македонија го носеше дресот уште на Шкендија и Работнички на два пати (2011 и 2016).