Покетино: Јуве меѓу најдобрите во Европа, но ние покажавме дека можеме против најголемите!

Утре започнуваат осминафиналните дуели во ЛШ, а на програмата ќе биде големото дерби помеѓу Јувентус и Тотенхем.

Тренерот на „спарси“ изјави дека Јувентус е еден од најсилните тимови во Европа, па иако му ја препушти фаворитската улога, сепак заклучи дека неговиот тим може да се носи со најдобрите.

„Ќе играме против еден од надобрите тимови во Европа. Тим кој има одлични фудбалери кои многу добро знаат како е да се натпреваруваш во ЛШ. Меѓутоа, ние веќе покажавме дека можеме да играме против најдобрите во Европа“, изјави Покетино.

„Ние немаме многу големо искуство, но веруваме дека можеме да одговориме на предизвикот. Ќе биде одлучно ако успееме да победиме во Торино. Во последните натпревари против Јунајтед и Арсенал покажавме карактер и сакаме да докажеме дека и ние сме меѓу најдобрите во Европа“, заклучи аргентинскиот стратег.

Next stop, Turin! ✈️ ??#COYS pic.twitter.com/zASxoH7LoG

— Tottenham Hotspur (@SpursOfficial) February 12, 2018