Maнчестер Сити експресно најде замена за Родри, ќе плати 100 милиони евра

Манчестер Сити влезе во сериозни преговори за доведување на мароканскиот играч од средината, Ајуб Буади од Лил.

Според информациите, разговорите меѓу двата клуба се во завршна фаза, а Манчестер Сити има цел трансферот да биде завршен уште оваа недела.

Англискиот гигант ги интензивираше активностите откако беше постигнат договор за трансферот на Родри во Барселона.

Лил е свесен за вредноста на нивната млада ѕвезда и наводно бараат 100 милиони евра за Буади.

Иако има само 18 години, Буади веќе направи значаен чекор на меѓународната сцена.

Осебено се истакна на овогодинешното Светско првенство, каде блескаше играјќи за неговиот Мароко.

Буади ги привлече јавните погледи уште во 2024 година, кога Лил направи големо изненадување против Реал Мадрид во Лигата на шампионите.

Младиот Мароканец е признат како средишен играч кој делува длабоко на теренот и ја презема улогата на организатор на играта.

Во Манчестер Сити веруваат дека ќе се вклопи одлично со Елиот Андерсон, кој може да игра како box-to-box играч од средината, но и на позиција на задниот играч од средината.

Буади веќе има одиграно 88 натпревари за Лил, иако своето професионално деби го направи во октомври 2023 година, само неколку дена откако полнел 16 години.

Неговиот потенцијал очигледно го увери Манчестер Сити дека вреди да инвестираат значајна сума за еден од најталентираните млади играчи од средината на пазарот.

Истовремено, Сити се подготвува за заминувањето на Родри. Шпанскиот репрезентативец би требало во наредните денови да го заврши своето заминување во Барселона, во трансфер вреден околу 76 милиони евра, со четиригодишен договор.

Родри пристигна во Манчестер Сити во 2019 година од Атлетико Мадрид за тогашната рекордна сума од 73 милиони евра.

За седум сезони на Етихад одигра 298 натпревари и освои многубројни трофеи. И покрај проблемите со повреди, вклучувајќи и сериозна повреда на коленото, ова лето Родри се врати во најдобрата форма, предводејќи ја Шпанија до титулата на светски првак, заедно со наградата за најдобар играч на турнирот.

Останува да се види дали евентуалното доаѓање на Буади ќе влијае на интересот на Манчестер Сити за Енцо Фернандез.