Чудесниот Мбапе чекори кон учинок каков што немал никој друг на еден Мундијал!

Килијан Мбапе (27) продолжува да плени на неговото трето Светско првенство во кариерата. Во победата на Франција над Мароко (2:0) во четвртфиналето, првиот гол го постигна сам, а вториот му го асистираше на Осман Дембеле. Претходно, Мбапе промаши пенал, но не му дозволи тоа да го деморализира.

По шест изиграни натпревари на СП, Мбапе има импресивен биланс од осум постигнати гола и три асистенции. Тој е директно вклучен во 11 од 16 голови на Франција на првенството. Иако до крајот на турнирот остануваат уште две фази, веќе сега може да се каже дека перформансот на Мбапе на ова СП е еден од најдобрите во историјата на ова престижно натпреварување.

A goal AND an assist for Mbappé 🇫🇷 lifts him up again to the top of the ⚽ Golden Boot rankings!

Mbappé has been directly involved in 11 (❗) of France’s 16 goals at this World Cup.

One of the best World Cup performances of a single player ever recorded. pic.twitter.com/jmKQYjLDBo

— Football Meets Data (@fmeetsdata) July 9, 2026

На ова Светско првенство, блескаат и Меси, Халанд, Кејн и Дембеле, но Мбапе успеа да ги засени сите со своите неверојатни резултати. И што е најдобро, има можност да ги подобри уште повеќе, бидејќи му остануваат загарантирани уште две натпревари, полуфиналето против победникот од двојката Шпанија – Белгија и потоа финалето или меч за трето место.

Вкупните статистики на Мбапе на сите Светски првенства се сензационални. Има одиграно 20 натпревари, постигнато 20 гола и обезбедено 6 асистенции. Рекордерот Меси има еден гол повеќе, но за него ова е веќе шесто СП, додека Мбапе се натпреварува само третиот пат.