Раководството на Вардар донесе одлука да ги отвори вратите за навивачите и да овозможи бесплатен влез за претстојното дерби против Охрид. Натпреварот е закажан за 2 април (четврток) со почеток од 18:30 часот во Спортски центар Јане Сандански, а од клубот очекуваат силна поддршка од трибините.
Од „црвено-црните“ апелираат до публиката да се мобилизира и да ја исполни салата, со цел тимот да добие дополнителен мотив во еден од клучните натпревари сезонава. Според нив, токму овој дуел може да има значајно влијание во борбата за шампионската титула.
Исхрана, повреди и тренинг – совети од доктор по спортска медицина | Уште еден поткаст
„Ова е моментот кога тимот има потреба од секој глас, од секоја поддршка и од полни трибини“, велат од Вардар.
Екипата од Скопје во моментов е сигурно прва на табелата во плејофот од Суперлигата со 46 бодови, што е четири повеќе од Пелистер, кој има и натпревар повеќе. Победа против охриѓани дополнително би ги доближила вардарци до освојување на шампионскиот трофеј.
Учество во игри на среќа е дозволено за лица со 18+ години. Играј одговорно!