Роберто Де Зерби (46) е идентфикуван како можен тренер за Тотенхем Хотспур, кој има силни амбиции во Премиер лигата. Поранешниот стратег на Брајтон и Олимпик Марсеj, кој сега е без клуб, изрази интерес за работа во Лондон, под еден клучен услов: Тотенхем мора да се одржи во елитното фудбалско друштво за следната сезона.
Според информациите од “The Telegraph”, разговорите помеѓу Тотенхем и италијанскиот тренер веќе се одвиваат. Де Зерби го напушти Марсеj во февруари со заедничка согласност и сега е отворен за нови предизвици. Иако тимот се наоѓа во тешка борба за опстанок, по поразот од Нотингем Форест со 3:0, раководството активно планира за иднината.
И покрај тоа што се споменува како можен избор и за Манчестер Јунајтед или Ливерпул, Де Зерби е сериозно заинтересиран за предизвикот во Тотенхем, но само ако клубот го задржи статусот во Премиер лигата.
Според “The Times”, разгледувана е можноста Де Зерби веднаш да го наследи Игор Тудор, со клаузула во договорот која би му дозволила заминување на лето во случај на испаѓање. Но, Тотенхем сѐ уште не е убеден во таков потег.
Учество во игри на среќа е дозволено за лица со 18+ години. Играј одговорно!