Ковач на маса има понуди од три големи англиски клуба, негово е само да избере

Нико Ковач се соочи со жестоки критики откако Борусија Дортмунд беше елиминирана од Аталанта од Лигата на шампионите.

Играта на Борусија Дортмунд под водство на Ковач оваа сезона не ги исполни очекувањата на навивачите, и затоа тој беше на мета на критики.

Сепак, раководството на клубот му верува и сакаат да го задржат до крајот на договорот кој за Ковач истекува летото 2027 година.

Според пишувањата на германскиот „Билд“, постои голем интерес за Ковач од Премиер лигата, а три големи клуба го следеа за време на сезоната.

Наводно, раководствата на сите три клуба се воодушевени од квалитетите на тренерот од Хрватска и ќе се обидат да го донесат на крајот на сезоната.

Станува збор за Тотенхем, Манчестер Јунајтед и Челси, на кои оваа сезона не им оди како што очекуваа.