Олмо изнуди пенал за Барселона. Погледнете како реагираше Јамал потоа

Барселона доживеа пораз од Жирона со 2:1 на гостински терен во 24. коло на Ла Лига. Гостите поведоа во 59. минута со гол на Пау Кубарси, но Жирона веднаш израмни резултат на 1:1 со поготок на Томас Лемар. Победничкиот гол и целосен пресврт за Жирона го оствари Фран Белтран во 86. минута од натпреварот.

Барселона имаше одлична можност да дојде до предност во првото полувреме кога Дани Олмо изнуди пенал откако беше прегазен, но Ламин Јамал беше тој што го изведе ударот. Најдобриот играч на гостинскиот тим ја погоди стативата, па до крајот на првото полувреме резултатот остана 0:0. Моментот можете да го погледнете ОВДЕ.

Ова беше голем пропуст за екипата на Ханси Флик, која ја пропушти можноста да се врати на врвот на Ла Лига. Сега заостанува два бода зад водечкиот Реал, кој овој викенд го презеде првото место со победа против Реал Сосиедад.