Македонскиот интернационалец со шведско потекло, Леонард Жута, од денеска е нов фудбалер на хрватскиот прволигаш Славен Белупо, каде ќе биде соиграч на Илија Несторовски.
Искусниот лев бек, кој има 33 години, добро му е познат на хрватскиот фудбалски простор. Тој од 2015 до 2019 година беше дел од Ријека, а минатата сезона настапуваше за Шибеник, каде забележа 28 настапи. Во својата досегашна хрватска кариера има одиграно вкупно 167 натпревари, при што постигна три погодоци и оствари девет асистенции.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Покрај настапите во Хрватска, Жута има меѓународно искуство во неколку европски лиги. Играл за шведските клубови Бромапојкарна и Хакен, за норвешка Валеренга, како и за италијанскиот Лече.
За македонската репрезентација има запишано 15 настапи, а последен пат го носеше националниот дрес во 2016 година.
Учество во игри на среќа е дозволено за лица со 18+ години. Играј одговорно!