Ракометната федерација на Македонија донесе нова одлука која директно ќе влијае врз изгледот на екипите во завршницата од следната сезона во Суперлигата. Според соопштението објавено денеска, во сезоната 2025/2026 клубовите ќе можат да имаат до девет странски ракометари во составот за натпреварите од плејофот и плејаутот.
Од вкупната дозволена бројка, најмногу шест странци ќе мора да имаат барем еден настап за својата национална репрезентација – без разлика дали се работи за сениорска, младинска или кадетска селекција. Преостанатите тројца ќе можат да бидат избрани по дискреција на клубовите, без никакви репрезентативни услови.
Како екраните влијаат на детскиот развој? Разговор со дефектолог
Оваа одлука, како што информираат од РФМ, е донесена по предлог на клубовите, на конференцијата одржана на 18 јуни, а со цел да се обезбеди поголема конкуренција и квалитет во завршниот дел од шампионатот.
Учество во игри на среќа е дозволено за лица со 18+ години. Играј одговорно!