Откриен идентитетот на фудбалерот кој беше застрелан пред локал во населбата Аеродром

Едно лице е тешко повредено во оружен инцидент на улицата „Владимир Комаров“ во скопската општина Аеродром.

Според очевидци, со четири до пет куршуми во пределот на главата и вратот е погодено лицето М.Ј., активен фудбалер.

Напаѓачот влегол во угостителски објект и започнал со пукање, според неофицијални информации. Полициски екипи се веќе пристигнати на терен. Напаѓачот е во бегство, а оружјето го оставил на лице место.

Случајни минувачи го сместиле повреденото лице во приватно возило и го транспортирале во непознат правец.

Полицијата потврди дека нападнатиот бил застрелан по што веднаш со приватно возило е префрлен во болница каде му се врши операција.

Очевидци за агенцијата МИА тврделе дека напаѓачот со четири до пет куршуми стрелал во пределот на главата и вратот на жртвата кој е активен фудбалер. Напаѓачот е во бегство, а полицијата трага по него. На лице место на улица Владимир Комаров во Аеродром се врши увид. Застреланиот е идентификуван Мартин Јанушев