Младите ракометари на Македонија ја победија Полска во втората фаза на ЕП

Ракометната репрезентација на Македонија до 20 години стигна до победа против Полска од 28:26 на стартот од втората фаза во која разигруваме за од 9-тата до 16-тата позиција на ЕП.

Македонија имаше контролата во текот на целиот натпревар. Кон средината полувремето со една серија 7:2 дојдовме до највисоките шест гола разлика со резултат 26:20. По тој период дојде до опуштање во нашите редови, меѓутоа полските ракометари беа далеку од тоа да ја загрозат конечната победа.

Најефикасни во нашата селекција со по четири гола беа Узунчев, Митев и Калајџиоски, по три имаа Субашевски и Карасманкис.

Утре од 12:00 часот македонските млади ракометари ќе играат против Романија, а во последниот натпревар на 18-ти јули не чека дуел со Франција.