Во Наполи бесни по дербито со Интер: Ограбени сме!

„Се чувствуваме ограбено, тоа е се што можам да кажам околу судењето“, изјави претседателот на Наполи Аурелио Де Лаурентис по домашниот пораз на италијанскиот шампион од Интер.

Клубот од Милан славеше во Наполи со убедливи 3:0 со што го потврди првото место на табелата. Интер има 35 бодови, Јувентус 33, Милан 29, додека Наполи е на петтото место и има дури 11 бодови помалку од Интер.

„Судијата Давиде Маса немаше своја вечер. Направи некои клучни грешки и сите одеа на наша штета. Тоа влијаеше на резултатот“, изјави првиот човек на наполи и ги повика луѓето во италијанскиот фудбал да реагираат.

Воедно Де Лаурентис му забрани на новиот тренер Валтер Мацари да излезе на прес-конференција пред новинарите по натпреварот.