Луис Ван Гал се врати во клубот со кој ја освои Лигата на шампионите

Холандскиот фудбалски стратег Луис Ван Гал ќе се врати во Ајакс во улога на советник, објави клубот од Амстердам.

Ван Гал кој минатата година објави дека боледува од рак ќе го советува Ајакс за фудбалски прашања.

„Би сакал да му помогнам на Ајакс. Мојот живот се одвива во Португалија и тоа добро се комбинира со оваа улога на советник“, изјави Ван Гал.

Инаку, Ајакс се наоѓа во една од најсериозните кризи во својата 123 години долга историја. Клубот во овој е на 15. Место во првенството.

Минатата година Ајакс го смени спортскиот директор Свен Мислинтат.

„Ван Гал е познат како еден од најуспешните тренери на сите времиња со повеќе од 20 национални и меѓународни трофеи. Со Ајакс ја освои Лигата на шампионите во 1995 година“, објави клубот.

Louis van Gaal will advise the Supervisory Board of AFC Ajax NV on football technical matters.

— AFC Ajax (@AFCAjax) October 3, 2023