Баерн не се откажува, руши рекорди за Кејн

Германскиот шампион Баерн Минхен подготви нова, најдобра понуда за капитенот на Тотенхем, Хари Кејн и не се откажува од намерата да го доведе на „Алијанц Арена“.

Тотенхем ги одби првите две понуди на Баварците од 70 и 80 милиони евра, но Баерн не се откажува.

Германските медиуми пишуваат дека Баерн денеска испратил нова понуда, тешка 100 милиони евра, што е сумата која ја бара Тотенхем за негова слобода.

Раководството на Баерн во договор со тренерот Томас Тухел, ја составија трансфер-листата, на која се: Буна Сар, Александар Нибел, Јан Зомер, Марсел Сабицер, Бенџамин Павард, Садио Мане и Рајан Гравенберг.

Со продажбата на овие фудбалери Баерн сака да го финансира трансферот на англискиот голгетер.