Ришарлисон се налути: Ова е сра*е, не знам зошто Конте повторно ме остави резерва

По елиминацијата од Лигата на шампионите, Бразилецот од редовите на Тотенхем, Ришарлисон не криеше дека е незадоволен од третманот кој го има кај Антонио Конте.

Тотенхем одигра само 0:0 во реваншот и тоа не беше доволно за четвртфинале затоа што во првиот натпревар „росонерите“ славеа со 1:0.

Ришарлисон кај Конте често е резерва, па така беше и во вчерашниот натпревар.

„Оваа сезона е сра*е да бидам искрен! Сакам повеќе да играм. Не разбирам зошто не играм, бев во позитивен момент и повторно Конте ме остави на клупа. Пред натпреварот ме тестираше за во првите 11 за потоа повторно да бидам на клупа“, изјави Бразилецот.

Многу веројатно е дека по ваквата изјава, Ришарлисон и уште помалку ќе добива минутажа кај италијанскиот стратег.