Катар – Еквадор: Гостите доаѓаат да ја расипат фештата во Доха

Исчекувањето конечено заврши. Денеска со натпреварот помеѓу Катар и Еквадор од 17:00 часот стартува Светското првенство.

Како и што е вообичаено Мундијалот започнува со натпреварот на домаќинот, а натпреварот ќе се одигра на стадионот „Ал Бајт“ кој беше изграден минатата година и има капацитет од 60.000 седишта.

Ова Светско првенство е необично по многу нешта, пред се бидејќи се игра во невообичаен термин, во ноември до 18 декември. Историски за прв пат во овој период од годината, на средина од сезоната и со климатски услови кои можат негативно да делуваат на фудбалерите.

Катар за прв пат на Мундијал

Малата држава од Персискиот залив ја доби организацијата на Мундијалот. Ова е прво учество за Катар на едно Светско првенство и прашање е дали би дошло до тоа ако оваа земја не го организираше Мундијалот. До неодамна Катарците не можеа да се најдат ниту на фудбалската карта на светот, но во 2006-та фудбалското раководство на оваа земја разработи стратегија за развој на фудбалот. Клучна улога во напредокот игра Шпанецот Феликс Санчез кој претходно се школуваше во фудбалската академија на Барселона, а седни на кормилото на Катар од 2017 година. Дека работата вроди со плод доказ е триумфот на Катар Азискиот Куп во 2019 година, што ја зголеми еуфоријата на Катарците пред Мундијалот. Екипата е составена само од играчи од катарското првенство, а најбројни се членовите на Ал-Сад, тим кој до пред скоро беше предводен од Чави. Федерацијата им вети големи парични награди за секој постигнат гол, па тоа сигурно е мотив плус за фудбалерите, кои ќе ја имаат поддршката од домашната публика. Притоа, голема предност е секако климата, бидејќи останатите репрезентации не се навикнати да играат под такви услови.

Може ли Катар да ја помине групата?

 Според обложувалниците Катар е апсолутен аутсајдер, но сепак последните резултати влеваат оптимизам. На Светското првенство, Катар влегува сочетири победи во низа на пријателските натпревари. Притоа, одиграа 2:2 против силниот Чиле, а голема предност за нив ќе биде секако домашниот терен и тоа што другите селекции не се навикнати на нивната клима. Главна ѕвезда на тимот е Акрам Афиф (Ал Сад) кој има искуство во шпанската Примера. Најдобар стрелец на репрезентацијата е Алмоез Али, а душа на екипата е капитенот Хасан Ал Хаидос кој за 31 година веќе собрал дури 160 меча за репрезентацијата и е рекордер. Во составот е и натурализираниот Португалец Педро Мигел кој игра во Катар уште од 2011-та.

Еквадор, симпатична екипа која може да изненади

Еквадорците на последниот голем турнир Копа Америка, играа во четвртфиналето каде испаднаа од Аргентина. Меѓутоа, оваа селекција одигра фантастично во квалификациите и заврши пред многу посилни репрезентации од Јужна Америка. Најголемо достигнување на еден Мудијал им е 1/8 финале во 2006 година, па сигурно ќе сакаат да го повторат тој успех. Селекторот Густаво Алфаро создаде борбена екипа која може секому да направи проблем. Доказ за тоа е што на последните десет меча има само еден пораз, притоа успеа да остане непоразен од Бразил и Аргентина. Главен адут е Енер Валенсија кој настапува за турски Фенербахче, но секако прва ѕвезда е Моисес Каиседо, кој со своите настапи во Премиер лигата го привлече вниманието на многу гиганти. Не треба да се очекува Еквадор да го напаѓа првото место во групата, бидејќи Холандија е голем фаворит, но секако ќе има голема борба за второто место кое води во нокаут фазата. Судејќи по последните натпревари, Еквадор може да има проблем со нападот и со реализацијата, но имаат одлична одбрана.

Очекување

Очекуваме тврд натпревар, двете репрезентации ќе играат претпазливо и ќе сакаат да избегнат пораз. Поради тоа очекуваме меч со малку голови.

Сите квоти за мечот може да ги погледнете во Mozzart