Зошто Роналдо уште не му честитал на Бензема за „Златната топка“?

Во интервју пред Светското првенство Карим Бензема зборуваше за очекувањата од Мундијалот и она што следи во Катар, меѓутоа новинарот го зарпаша и за „Златната топка“.

Бензема оваа година сосема заслужено ја освои „Златната топка“ и тоа убедливо пред конкурентите. Новинарот му постави прашање на Бензема дали добил честитка од Кристијано Роналдо.

„Не, не сум добил никаква порака од него“, одговори Бензема.

Ваквиот одговор на францускиот напаѓач е малку зачудувачки затоа што двајцата беа соиграчи во Реал Мадрид од 2009 до 2018 година и имаа одлична соработка во периодот кога Роналдо ја освојуваше „Златната топка“. Треба и да се знае дека Бензема е играчот кој најмногу му асистирал на Португалецот во кариерата.