Ди Марија спремен да го напушти Јувентус

Анхел ди Марија ова лето пристигна во Јувентус како големо засилување, но веќе во јануари е спремен да ја напушти „старата дама“.

Аргентинецот потпиша едногодишен договор, но неговиот сон е после Мундијалот да се врати во Аргентина.

Со елиминацијата од Лигата на шампиони, Ди Марија нема мотив да остане во Јувентус и сака да се врати во Росарио Централ и таму да ја заврши кариерата.

„Мојот најголем сон е да се вратам во Росарио, за тоа сонувам долго време и би сакал да се случи. Фудбалерите во Аргентина сонуваат кариера во Европа, а мојот сон е да се вратам во Росарио“, изјави Ди Марија.

„Газета дело Спорт“ пренесува дека не е невозможно Јувентус во јануари да му дозволи да замине.