Италијанско дерби за Асенсио

„Газета дело Спорт“ пренесува дека играчот на Реал Мадрид, Марко Асенсио е примарна трансфер цел на Милан за следното лето.

„Росонерите“ сакаат да ја засилат десната крилна позиција и Малдини во Шпанецот гледа идеално засилување.

Асенсио влезе во последната година од договорот и на лето сигирно ќе си замине како слободен агент.

Малдини започнал преговори со неговиот агент Жорге Мендеш, но ќе мора да ја победи конкуренцијата.

Имено, силен интерес за Шпанецот покажува и Јувентус, кој исто така сака да го донесе како слободен агент.