Готово: Наполи ја купи ѕвездата на Сасуоло за 35 милиони

Наполи постигна договор со Сасуоло за трансфер на италијанскиот репрезентативец, Џакомо Распадори.

Распадори важи за еден од најголемите италијански таленти и одигра уште една одлична сезона, па Наполи во него гледа идеален наследник на Мертенес.

Наполитанците веќе имаше договор со напаѓачот за 5-годишна соработка и изминатиот период преговараше со Сасуоло.

„Скај Италија“ пренесува дека двете страни постигнале конечен договор и Наполи за Распадори ќе плати 30 милиони евра плус 5 милиони како бонуси.

Се очекува напаѓачот во текот на денот да пристигне во Неапол, а утре да го комплетира трансферот.