Марота потврди: Фокусирани сме на Дибала и Лукаку!

Спортскиот директор на Интер, Бепе Марота отворено зборуваше за најавените трансфери на Паоло Дибала и Ромелу Лукаку.

Дибала е многу поблиску и овој трансфер според најголем дел од италијнските медиуми е скоро договорен, во таква насока е тргната и ситуацијата со Лукаку. Марота во изјава за медиумите потврди дека се водат преговори и дека двајцата напаѓачи се едни од главните цели на Интер за ова лето.

„Има контакт и преговараме. Со директорот Пјеро Аусилио имаме должност да изградиме тим кој ќе биде конкурентен, но мораме да ги почитуваме и финанските правила. Да, патеката до Лукаку е проодна, но треба да видиме дали може се да дефинирме“

„Тој и Дибала се нашите цели на кои сме фокусирани. Но, како што кажав мораме да ја процениме финансиските ситуација, не смееме да правиме непромислени потези“, изјави Марота за „Раи“.