Мурињо го сака напаѓачот на Бодо кој и даде три гола на Рома

Бодо Глимт се покажа како нерешлива енигма за Жозе Мурињо и Рома, а сега италијанските медиуми пишуваат дека „волчицата“ може да доведе засилување токму од овој клуб.

Според последните информации Рома покажала интерес за Ерик Ботхајм и ќе се обидат да го доведат во своите редови. Ботхајм беше фантастичен во двата натпревари против Рома во кои имаше вкупно три гола и три асистенции. Бодо прво ја декласираше Рома со 6:1 во Норвешка, а потоа одигра 2:2 дома во Италија.

Договорот на Ботхајм со норвешкиот тим истекува на крајот на 2022 година и поради тоа клубот не би можел да бара преголема сума. Покрај Рома името на Ботхајм се поврзуваше и со градскиот ривал на „волчицата“, Лацио.

Оваа година Ботхајм има 19 гола и девет асистенции на 39 натпревари, а во клубот пристигна во февруари од редовите на Розенборг.