Цветановски: Ги искористивме шансите, среќен сум за головите и победата

Екипата на Шкупи денес одигра одличен натпревар против Брегалница во кој успеа да слави со убедливи 5:0.

Еден од најдобрите на теренот беше Матеј Цветановски кој постигна два гола.

„Максимално бевме подготвени за овој натпревар. Среќен сум за тоа како одигра тимот и за двата постигнати гола, ова е важна победа. Одигравме добро и ги искористивме нашите прилики. Ќе продолжиме да работиме и се надеваме дека ќе ги исполниме целите и амбициите на клубот, а тоа е да ја донесеме титулата во Чаир“, изјави Цветановски.

Фото: ФК Шкупи